影片
更多
2009-07-04
1383 浏览
旺角提供日式的飲食場所不少，單就西洋菜街已經超過10間以上，眾多食店普遍良莠不齊。今天路經西洋菜街，在兆萬中心地下敝見熟識的日式放題廣告，趨前一看果然真是松屋日本料理，她在旺角開分店落腳了。橫豎下午，於是打電話預訂5:30PM的歡樂時光。旺角松屋的營業時間是5:30PM至12:00PM，沒有午市，我是下午4時訂檯的，看來他們早已有人上班。往11樓的松屋，得先從地下搭自動電梯到3樓，再乘升降機便可到達。新店開張個多星期，松屋的木製巨型招牌還未掛在店門上，店內環境傢俱簇新裝潢雅緻，長廊式設計，共約有120個位子。我們安坐卡位，自己感覺有點狹窄，也許是肥胖的關係吧!...松屋一向提供簡而精的日式放題，依舊食品紙3大張、雪糕紙1小張及飲品紙1小張。我們本來叫了茶類凍飲的，服務生卻說沒有冰塊結果來了罐裝汽水。免費啤酒是罐裝Ashahi，不是Kirin Ichiban。今次我們所選食物不多：-麵豉湯----豆腐同海帶足料，嫌麵豉味道唔夠濃三文魚----唔錯，夠新鮮立魚，劍魚----算新鮮，尤其劍魚腩，食唔停咀馬刀貝、鮑片----爽口夾大件甜蝦壽司----啲甜蝦略淡，飯唔夠黏性八爪魚壽司----八爪
往11樓的松屋，得先從地下搭自動電梯到3樓，再乘升降機便可到達。新店開張個多星期，松屋的木製巨型招牌還未掛在店門上，店內環境傢俱簇新裝潢雅緻，長廊式設計，共約有120個位子。我們安坐卡位，自己感覺有點狹窄，也許是肥胖的關係吧!...
松屋一向提供簡而精的日式放題，依舊食品紙3大張、雪糕紙1小張及飲品紙1小張。
我們本來叫了茶類凍飲的，服務生卻說沒有冰塊結果來了罐裝汽水。免費啤酒是罐裝Ashahi，不是Kirin Ichiban。
今次我們所選食物不多：-
麵豉湯----豆腐同海帶足料，嫌麵豉味道唔夠濃
三文魚----唔錯，夠新鮮
立魚，劍魚----算新鮮，尤其劍魚腩，食唔停咀
馬刀貝、鮑片----爽口夾大件
甜蝦壽司----啲甜蝦略淡，飯唔夠黏性
八爪魚壽司----八爪魚好細件，要添食滿足口感
芒果炸蝦卷---切得有點薄，食唔出乜味
鰻魚手卷----鰻魚好食，紫菜唔脆...失分
黃金魷魚手卷----魷魚食落好似海蜇，沾上黃色唔知乜春之類...原本幾好，紫菜拖低分數
牛油果軟殼蟹手卷---個餡過得去，紫菜太淋唔得
金菇牛肉卷----好食，encore
蝦天婦羅----長蝦雖然好食，但係粉較厚減低我翻食意慾
炸芝麻雞翼----雞翼痴首選...送啤酒一流
炸餃子----無份食，講唔出
腐皮鳳尾蝦----魚膠及蝦做餡，用腐皮卷起來炸，夠脆口不過好熱氣
雞軟骨----椒鹽味，唔太硬，好滋味
燒牛脷----有韌性，香夾好味
燒雞翼----無乜雞味。上次紅磡竹屋食到係最好嘅，仲有海鹽味
燒羊扒----好正，雖然有件個外表好似有缺憾，但味道肉質勝於一切
燒蕃薯----紫芯蕃薯，夠甜
豬大腸----切得好短身，燒得均勻，淋上泰式雞醬...唔錯
多春魚----算係好食
珍味小食----有海帶絲、螺肉、八爪魚仔...ok
甜品仍然係雪糕...芝麻、綠茶、紅豆及朱古力總共四款，我地全部每個都有試勻晒。
最好食既雪糕竟然係朱古力，因為入面真係有朱古力碎呀!...感動
唔知係咪新店關係，歡樂時光時段坐唔夠一半人；漏單情況有發生，我們的燒青魚沒來，珍味小食是追柯打才有。廳面唔計管理層，最少有7個服務生，佢地都好有禮貌同笑容。負責人會在時段結束前30分鐘問你last order然後同你結賬。總結工作效率同食物出品唔錯，亦是管理層有道的地方。不過，餐種在熟習運作環境後，希望可贈添款式食物...這是熟客對松屋的期待。
张贴
