楓 (已結業)

出開旺角，係Openrice搵到呢間新開嘅日式小店。呢間小店主打大阪燒同烤蛋糕甜品。店舖細細，位於仁安大廈下邊嘅店舖街。座位大概有20個。裝修簡潔，係簡約嘅昭和風。大阪燒有四個口味可以揀，分別係蜆，章魚，蝦，帶子。烤蛋糕都係有四款，有意大利可可榛子（售完），北海道滨乙女芝麻醬，丸久弓山園焙茶，丸久小山園抹茶。而呢四隻口味另有窩夫底選擇。甜品另外仲有一款焦糖卡士達芋泥杯，睇落都好吸引，可惜都係售完。仲有幾款希臘乳酪都係售完。飲品方面，有豆乳同梳打，都係圍繞住可可，抹茶，焙茶，芝麻呢四隻口味。岩哂本身有乳糖不耐嘅我。呢次叫左以下幾款。🐙章魚大阪燒 ($88)本身好鐘意食大阪燒，呢個大阪燒非常足料。啖啖章魚燒，粉漿唔會好厚。火喉控制得剛剛好。滿分。🈵🥤焙茶豆乳(+$29 特飲)嚟到嘅時候有啲失望，似乎係佢唔夠杯，用左膠杯上。賣相👎🏻不過焙茶份量十足，豆乳還不錯。🥞丸久小山園抹茶醬烤蛋糕 (2人份) ($158)烤蛋糕真係好大份。蛋糕鬆軟，好香蛋味。抹茶醬滿滿。配料有小丸子，紅豆，藍莓，香蕉，士多啤梨同蕨餅。配料份量十足。我見到幾枱客都食唔哂。總括而言，呢間小店都幾有特色。第一次食呢款烤蛋糕。