明記 • 潮鍋 (已結業)

📍 明記 • 潮鍋 如果你問我食過最新鮮嘅海鮮火鍋，暫時來講應該就係呢一間喇🤔成個水缸喺隔離，即劏即上枱，成盆海鮮都仲係識郁😳👅 至尊海鮮套餐B $338套餐每人包含東瀛刺身拼盤4款，波士頓龍蝦海鮮盤10款，包括半隻波士頓龍蝦，一隻活鮑魚，一隻蟶子王，一隻大元貝，同埋六款廚師發板當日嘅精選海鮮，當日就有生蠔，青口，基圍蝦，鮮魷，白鱔等等。全部海鮮都係超級新鮮，就算龍蝦劏開咗一半，都仲係郁緊😳湯底今次就揀咗南瓜雞湯，本身冇乜特別期望，點知佢哋嘅南瓜味好出好清甜，好適合海鮮火鍋，冇揀錯，推介比大家👍🏻😎然後我哋就叫咗潮州雜丸拼盤，同埋竹笙，我個人非常推介竹笙，全部都係好大條，好有口感，最緊要就係可以吸收晒湯底嘅精華👍🏻另外，仲叫咗佢哋嘅大檸檬茶（$28），真係好大杯，仲有隻好得意嘅熊仔，夠哂兩個鐘成餐飯飲有餘🧸