御石燒 (已結業)

屋企附近最近都有好幾間餐廳新開，呢間新開日式石燒餐廳做緊試業優惠，今日放假就同朋友嚟食個悠閒午餐。餐廳走簡約風，牆壁掛上日本風景的油畫，簡潔美觀，感覺舒適。試左御燒安格斯牛小排同御燒吉列牛，加配埋套餐配，有味噌湯，同白碗（上面嘅飯素都好好味及飲品。好快食物就準備好，好精緻有塊厚厚石頭板，用火持續熱住，可以自己慢慢燒 ，想幾成熟就幾成熟，店鋪都好貼心，連燒肉嘅油都係牛肉嘅脂肪，成件事都係充滿牛脂，熱辣辣即食，更加好味。加上預早切成一片片都好易燒，唔怕過生或過熟。食落牛肉肉質非常嫩滑同充滿牛脂香味而且份量都好多。另外朋友個款吉列牛，外皮仲多左一層脆脆外皮，輕炸過後食落更有口感，但食落又唔會覺得膩，兩款都相當唔錯，不過吉烈款就特別d。另外店員服務態度一級棒又提你小心熱，又會耐唔耐睇下你夠嚟夠牛肉脂肪去燒，讚！