御石燒 (已結業)

約咗個friend食lunch，就佢方便响佢公司附近食，佢帶我去一間新開嘅日式石燒店試。店舖以灰色為主，裝修簡約整潔，座位闊落舒適。掃過QR code 落單，等咗大約10鐘，食物已經上枱。卸燒特級小牛排 $158.-小牛排份量足，一碟有8小塊。上枱時店員會詳細介紹使用方式及注意事項👍，之後佢會點著火爐加熱石板，見上面預先放上的牛油脂開始溶開，就可以放牛肉去燒，整個過程非常治愈😍。牛排燒到6成熟左右，肉香味滲出，質感又軟腍，點埋燒汁食，味道更加提升。卸燒吉列豬扒 $85.-吉列豬扒即叫即炸，薄薄嘅外層炸得香脆乾身，內裡肉質軟腍，點埋甜甜酸酸嘅燒汁一齊食，零舍醒胃又餸飯😍。加$22.- 跟紫菜味素飯+流心蛋+汽水/麵豉湯熱辣辣又軟熟嘅飯，再加上紫菜及味素，特別香口好食，流心蛋有陣陣醬油香味，又有流心效果🤩。