日日涮 (已結業)

旺角食肆林立四周圍都可以搵到唔同類型國家嘅餐廳美食， 今次朋友話想食日式火鍋， 啱啱行到旺角彌敦道近創興廣場， 街上派傳單的職員一字排開， 你一張我一張睇到花多眼亂， 竟然喺中間畀我哋發現咗傳單上有一間叫做日日涮日式火鍋店， 剛好仲正我朋友想食嘢餐廳。我哋就拎住傳單上去創興廣場6樓，正是日日涮日式火鍋店，好~我哋就來一個勁擦海鮮火鍋的瘋狂晚上。餐前送刺身拼盤，有吞拿魚、 螺片 、甜蝦、 三文魚、 希靈魚， 食完可以剔紙無限添食。火鍋我哋叫了鰹魚昆布湯湯底，配上日式壽喜燒海鮮盛合，裡面包括有奄仔蟹、蟶子、 海蝦 、青口桶、蠔及 帶子。而肉類方面有美國肥牛及特級美國肥牛、雞肉、 美國頂級牛小排，如果食完肉類後，可以不停添食，食到你飽飽為止。火鍋配料，都好豐富有各種丸、 午餐肉、 菇類、 四種菜 、粟米、 稻庭烏冬、 出前一丁 及最特別嘅 係有辛辣麵。雪糕只有Haagen Dazs 或者 MOVENPICK 任選其一，但已經很足夠。 餐廳職員服務態度非常良好、佢哋經常會問要唔要再添食 、見你冇乜湯會自動幫你加湯底，非常殷勤， 十分抵讚。