如月居酒屋 (已結業)

帶親友到女人街shopping, 佢哋想食日本菜，見到這間「如月屋酒屋」好像是新開的，餐廳以日系裝修，參考門外的餐牌有唔少食品選擇，如串燒、鍋物、天婦羅等，一於去試吓！清酒煮蜆：蜆肉大隻鮮味甜美，清酒湯底香醇，好味到飲晒碗湯！帝王蟹炒飯：炒飯粒粒金黃，蟹肉份量算多！串燒拼盤六種：有鹽燒白鱔、鹽燒牛舌、西班牙黑毛豬五花腩、鮮冬菇、阿波美雞軟骨，其中自家製免治雞肉棒會配一隻日本蛋做醬汁，上枱時香噴噴，好juicy一啲都唔乾！雜錦天婦羅：炸得香脆可口，水準不錯！