楓 (已結業)

旺角好多小店，最近發現有間新開的日系甜品店😍小店主打日系烤蛋糕，大阪燒和豆乳飲品。實在太掛住日本的大阪燒😌 宜家新開張仲有7折優惠🈹一於入去試試🤩餐廳裝潢以簡約日式木系為主，感覺休閒舒適! 佢地遲D仲有窩夫和乳酪雪糕，期待😚🔸丸久小山園焙茶醬烤蛋糕 (原價 $138)大大個超巨型手工烤蛋糕，夠晒2-3個人share。 手工烤蛋糕即叫即做，將手打蛋白加入蛋漿，先煎兩分鐘再焗八分鍾，焗完的蛋糕非常鬆軟濕潤，蛋味香濃!另外醬汁特別用上小山園出品既焙茶粉，自家製焙茶醬更香濃幼滑，淋滿整個蛋糕面，好澎湃! 伴碟有時令生果，京都蕨餅和白玉圓子，好豐富!仲有意大利可可榛子醬、北海道芝麻醬和小山園抹茶醬口味比你選擇!🔸工匕大阪燒（蝦） (原價 $88)大阪燒新鮮整起熱辣辣，比起傳統的大阪燒較為薄身，不過大大個非常足料呀！配菜有蝦、 椰菜、粟米、蟹柳和雞脾菇，口感豐富! 面層仲有木魚，京蔥和青蔥，醬汁濃郁但唔會覺膩，唔錯!🔸抹茶豆乳 / 芝麻豆乳 (原價 $58)日本進口豆乳，入口香滑，甜度適中，抹茶和芝麻味都好香濃。