影片
更多
2021-10-16
50 浏览
New Mexican Cafe & Lounge in town! 呢間墨西哥餐廳座落金雞廣場附近一棟唐樓，以墨綠色為主調，意外地同唐樓嘅水磨石樓梯相襯。一入舖就見到尾圖嘅工具櫃，第一次喺餐廳見到咁嘅佈置，感覺幾新鮮，睇店家ig話想打造一間男士都鍾意嘅lounge，唔知係咪想藉五金工具增添啲「佬味」呢？菜式方面，除左港人熟悉嘅nachos等小食外，亦有唔少fusion菜，飲品cocktail、mocktail、咖啡同無咖啡因茶應有盡有。另外要讚下服務滿分，每次上菜都會詳細介紹，又會問客人意見。小店新開張人流唔多，適合放工黎飲返杯～(w/ 10% service charge) 🍽墨西哥香烤雞翼(6隻) Hot Wings x 6 ($78)雞翼微辣惹味，正常發揮。🍽烤肉腸配自製蕃茄醬Roasted Sausages ($88)用左芝士腸同有墨西哥青辣椒嘅腸，芝士嗰款仲流心添，配肉醬、蕃茄醬同紫椰菜沙律，酸味味最啱佐酒。 🍽芝士粟米肉鬆餡餅 Cheesy Flossy Quesadilla ($118)上枱後發現比一般quesadilla薄，原來店主特登用panini機夾過，令餡餅更脆
🍽墨西哥香烤雞翼(6隻) Hot Wings x 6 ($78)
雞翼微辣惹味，正常發揮。
🍽烤肉腸配自製蕃茄醬Roasted Sausages ($88)
用左芝士腸同有墨西哥青辣椒嘅腸，芝士嗰款仲流心添，配肉醬、蕃茄醬同紫椰菜沙律，酸味味最啱佐酒。
🍽[台x墨]芝士粟米肉鬆餡餅 Cheesy Flossy Quesadilla ($118)
上枱後發現比一般quesadilla薄，原來店主特登用panini機夾過，令餡餅更脆身，唔好誤會佢薄就無乜餡，其實啖啖都食到肉鬆，芝士用左cheddar 同mozzarella 兩款，最鍾意鹹香嘅芝士邊，點埋牛肉果蓉同蕃茄莎莎味道更豐富。
🍽 香料燉牛肉炒飯 Spiced Beef Fried Rice ($95)食得辣嘅朋友可以試下呢個炒飯，材料有牛肉粒、豬肉絲、洋蔥、黑豆同墨西哥青辣椒，炒飯唔會過濕，撈埋蛋汁食啱啱好。
🍽紐約芝士蛋糕配焦糖龍舌蘭醬 New York Cheesecake with Caramel Tequila Jam (?)
紐約芝士蛋糕就食得多，落酒嘅版本又試過未呢？有幸一試呢款未命名嘅新甜品，佢同menu嘅Druken cheesecake有少少唔同，呢款嘅醬汁巧妙地落左焦糖，中和龍舌蘭嘅苦，再用火槍燒一燒蛋糕面，甜中帶澀，係會留下記憶嘅味道。
🍸瑪格麗特 Maria Margarita Classic ($75)
即係龍舌蘭酒、檸檬汁加君度橙皮酒，酒量差嘅我淺嚐左兩啖，平時飲啲度數高嘅酒覺得好難入口，呢款真係似檸檬汁咁酸酸甜甜，但落到喉嚨會覺得灼熱，感受到酒精濃度40%嘅份量，朋友大讚好飲。
🍸紅莓水果酒 (無酒精) Virgin Sangria (Cranberry) ($55)
食墨西哥/西班牙菜叫Sangria是常識吧，落左紅莓、西柚、蘋果等水果，酸甜清新，無酒精版飲多杯都唔怕。
餐牌：
张贴
