鳴橋燒肉料理 (已結業)

成日經過朗豪坊呢邊，經過見到呢間日本小店，今日終於一試。入到去裝修有舊日本風味，座位坐得幾舒服。一入到餐廳店員就招呼好好，立即比放題紙我哋點菜。基本上呢度嘅放題應有盡有，刺身、肉類、熟食、甜品、飲品，多種選擇。味噌湯幾清甜，都唔錯！仲叫咗啲刺身食，樣樣都好新鮮，放題質素幾好！肉類叫咗羊架、牛肋肉、豚拖羅、一口蒜香腸。肉類幾新鮮，肉質唔錯！蒜香腸有台式風味。叫咗雞軟骨，燒雞軟骨就算叫一人份量都好多，但係真係好好食！燒到好香脆，又有咬口。炸蝦天婦羅，新鮮炸起香脆！甜薯亦都幾好味！海鮮類揀咗虎蝦、帆立貝、多春魚及小墨魚。我鍾意食虎蝦，夠大隻爽口！多春魚要燒耐少少先夠香脆！