粒粒果甜品 (已結業)

果晚 8 點幾去，都幾嬲，成本 menu 有一半都冇，仙草冇、窩夫冇、冰沙冇、普通芋圓冇、傳統糖水冇、雪花冰冇，基本上都冇乜選擇，焗住叫左 #水果星球配芒汁西米 $42，星球就係透明一個波入面放一粒水果，睇落都幾得意嘅，但係其實一舊偏硬身嘅啫喱入面放粒水果，真係冇乜特別，最差係芒果汁，好明顯唔係真·芒果汁，水流流，應該係 favor 溝出黎，食落似果隻 lot 100 芒果軟糖，隻味好假又甜，食左 2 啖真係食唔落 🌚 另外叫左 #珍寶芋圓仙草配黑糖薑水 $32，店小二話普通芋圓未到貨，所以焗住食呢隻珍寶，呢隻珍寶芋圓其實睇落都知冇乜咬口冇乜味，而內餡嘅蕃薯蓉或者芋頭蓉嘅味都比較薄弱，唯一欣賞係個糖水底幾夠薑唔錯，但其他都唔係好掂，建議可以慳返啲錢 🤡