龍閣極上火鍋料理 (已結業)

同閨密行西洋菜街行到腳仔軟，就諗住揾嘢食！擔天望地之際，發現咗呢間嘢，外面望上去好似幾靚，咁就一於上去睇睇。上到二樓。大大隻龍閣招牌，跟著就見到一個好靚嘅剌身檔。仲以為去咗日本料理！但係隔離又有個燒味檔。仲以為去咗太興！媽呀！好亂呀！個名又叫做「龍閣極上火鍋料理」又有火鍋又有剌身又有燒豬！係咪咁厲害咖？靚女姐姐帶我地坐卡位。都算幾C服！裝修都算靚啦！下刪一百字.....入正題，我地叫咗蕃茄牛腩鍋，手切肥牛，剌身併盆，黑白墨魚丸，皇帝菜，小食牛𦟌，羅漢果茶老實講。每樣食品都算有水準，坐底即刻上咗盆9式混醬嚟（最特別有個自家製「乾身」X0醬同秘製蝦米醬），湯底有濃郁蕃茄味，煲湯牛腩係出奇地腍。手切肥牛算OK腍滑，日式剌身真係同響日本料理有得fight , 黑白墨丸都好彈牙，但如果可以有多啲墨魚粒就更好，皇帝菜新鮮，牛𦟌叫香不辣，又真係名乎其實香不辣（sorry影少咗），羅漢果茶太甜，要改善！總結嚟講：食物幾好。環境幾靚。（值得一提：打邊爐見唔到個爐，好乾淨）服務幾平易近人。價錢？旺角嚟講算高尚。兩位差不多八舊！但都值得推薦。因為見到隔離檯食小菜。賣相好靚。又聞到隻燒豬鬼咁香！下次叫埋至八會