麵賜園 (已結業)

[ 麵賜園 ]旺角女人街兩旁有好多間食肆，今次去食呢間fusion餐廳上年先開業，係新派本地湯麵crossover烘焙咖啡&茶，概念好特別。✿ 牛隊長湯麵 🐮$88呢碗牛肉麵配料同台灣牛肉麵有啲似，但更加足料，有澳洲和牛封門柳、牛肋條、牛肚、牛筋& 白蘿蔔。牛類肉質軟腍唔嚡口，而且炆得好入味，白蘿蔔無渣索湯；牛骨湯味道有啲似越南牛河，但湯底更濃厚，肉味重及帶少少藥材味，湯底飲完唔口渴👍🏻👍🏻✿ 黑椒牛隊長炒飯 $88封門牛肉粒牛味濃，有肉感而無筋，肉粒都幾多。而炒飯炒得相當乾身，每啖炒飯都食到黑椒香味，加埋青紅椒粒、洋蔥粒&蔥非常惹味。✿ 素蘇格蘭炸蛋 🥚跟餐+$45 (單點$58)炸蛋入面係流心蛋，混合咗植物肉，再抹上炸粉去炸。外皮炸至金黃酥脆而內軟，另配泰式甜辣醬，味道出奇地夾！✿ 熱烘焙鐵觀音 $15茶味香濃，消膩一流🙌🏻🙌🏻✿ 熱紅綠燈 $30呢間fusion店另一特色係佢啲烘焙咖啡&茶。叫得呢個名姐係有齊紅&綠嘅元素🤣🤣紅=紅豆🫘綠=抹茶🍵茶味濃，配埋紅豆係唔會出錯嘅配搭😀用咗心形杯同貓貓肉球嘅匙羹😍睇得又飲得🫶🏻總結🫦呢間新派港式湯麵店環境有別於傳統，環境舒適而乾淨企理，而