花椒子 (已結業)

天氣如此炎熱都冇咩胃口食嘢，咁啱經過旺角呢間新開嘅川菜餐廳，今晚一於食下辣嘢開下胃。其實呢間餐廳齋睇外表都好吸引人，一行入去就係cyber punk feel，好似落左酒吧咁，感覺十分過癮。鋪入邊好似重點推介佢嘅top 3菜式，花椒魚頭鍋，酸菜魚仲有辣椒炒雞。我地今次就試左呢個酸菜魚同埋辣椒炒雞先賣相都唔錯，酸菜魚同埋啲湯認真係白飯殺手呢個辣椒炒雞仲一份西班牙黑毛豬，有啲似我哋平時食雞煲咁，食完雞再打邊爐~炒雞香口得黎唔算辣，比較適合本地人口味，黑毛豬撈埋啲雞汁，真係超級仲有呢兩杯飲品，分別係青檸芒果手搖茶同埋草莓沙冰，質素唔會輸比出邊嘅新品店。最後就到甜品喇，呢個就叫做太空彩虹木桶冰，店員拎上黎嗰陣真係嚇左嚇乜原來咁大份，四支雪條再加紅豆溝涼粉，我地兩個人真係食到捧住肚走，推介大家黎試下