影片
更多
2022-09-09
144 浏览
今日嚟到旺角呢間新加坡過江龍火鍋店，7:30 book咗枱都好多人排隊入座，裝修同環境真係10分少女啊，用晒粉紅色打卡一流呀，邊個話打邊爐就冇得影靚相啊😆食物都幾唔錯同埋本分都幾大份，兩個人食叫幾樣嘢已經好飽！特別提示醬料費係用唔用醬料都會收錢嘅❗️每位$20，我同朋友就覺得個湯底已經好濃就冇拎到醬料前菜嗰啲啦🤣🍴膠原蛋白養顏美容鍋 $128 (7.8/10)呢個湯底感覺非常之養顏，入面有豆腐，紅棗，野菌，用咗花膠雞湯去煮都幾濃郁，但一啲都唔會鹹，飲得到雞湯同花膠嘅香味，但未去到好重骨膠原，飲咗一碗都幾唔錯~唔會太油呢一點真係好加分！🍴滋補養生香辣鍋 $88 (7.5/10)香辣鍋要咗小辣，但感覺都真係幾辣，食唔到辣嘅人真係叫小辣過下癮就好，香辣鍋夠香夠辣，唔會太麻，亦都唔會太油膩！都幾唔錯！🍴特色肉拼盤 $288 (8/10)有四種牛肉，分別係牛舌，牛柳粒，安格斯牛小扒，牛板健。牛板健牛味香濃不過比較瘦，肉質都幾軟，牛小排牛味香濃油脂會更加豐富更嫩滑，牛柳粒好香濃嘅牛味油脂都幾香，牛舌就真係太薄同埋唔夠爽口彈牙，是一片普通嘅薄牛肉。🍴綜合滑 $128 (8/10)有豬肉滑，蝦滑同埋墨魚
🍴膠原蛋白養顏美容鍋 $128 (7.8/10)
呢個湯底感覺非常之養顏，入面有豆腐，紅棗，野菌，用咗花膠雞湯去煮都幾濃郁，但一啲都唔會鹹，飲得到雞湯同花膠嘅香味，但未去到好重骨膠原，飲咗一碗都幾唔錯~唔會太油呢一點真係好加分！
🍴滋補養生香辣鍋 $88 (7.5/10)
香辣鍋要咗小辣，但感覺都真係幾辣，食唔到辣嘅人真係叫小辣過下癮就好，香辣鍋夠香夠辣，唔會太麻，亦都唔會太油膩！都幾唔錯！
🍴特色肉拼盤 $288 (8/10)
有四種牛肉，分別係牛舌，牛柳粒，安格斯牛小扒，牛板健。牛板健牛味香濃不過比較瘦，肉質都幾軟，牛小排牛味香濃油脂會更加豐富更嫩滑，牛柳粒好香濃嘅牛味油脂都幾香，牛舌就真係太薄同埋唔夠爽口彈牙，是一片普通嘅薄牛肉。
🍴綜合滑 $128 (8/10)
有豬肉滑，蝦滑同埋墨魚滑，豬肉話就比較似粥底裏面食到嘅豬肉滑，鹹鹹地嘅免治豬肉🤣墨魚滑反而幾有驚喜，入邊有花枝粒好香口好彈牙，墨魚味道都好香濃！蝦滑都爽口有蝦味。
🍴黑毛肚 $39 (7.5/10)
$39份量都唔少，毛肚都好爽口！
🍴鴨血 $29 (7.5/10)
鴨血大大塊好厚身，幾嫩滑。
🍴脆肉鲩魚骨腩 $49 (6/10)
呢個雖然好爽口，食落都有魚味，但有少少腥。
🍴黃金魚皮 $58 (7.5/10)
呢個都幾好食，鹹蛋黃好香濃，好香脆，但食多幾嚿會好膩。
🍴紫背夭葵洛神花茶 $25 無限添飲
酸酸地幾開胃，一啲都唔會太甜，感覺清熱有解毒，打邊爐可以飲到三至五杯，所以無限添飲係抵飲嘅！
🍴竹蓆茅根 $25 無限添飲
好清甜，好下火，一啲都唔會太甜！
推薦指數: 7.8/10
嘢食質素都好高質，真係唔錯，感覺一啲都唔油膩食咗個好輕盈嘅火鍋！食完完全冇打邊爐嘅臭味！環境都好好好乾淨！侍應雖然好忙但都好快手，但用餐時間只有90分鐘，差唔多就會催埋單交枱，冇得慢慢食傾吓計咁樣扣咗少少分！
张贴
