御滿屋日本料理

营业中

休息中

自上個月去過荃灣嘅御滿屋，一直都好想再食，因為有榴連任食，而且食物質素都好好，今日同朋友去左旺角到食，坐無虛席，非常熱鬧，好多人，但上菜速度快，冇漏單情況👍🏻而自助飲品區、熟食區、甜品都好多選擇，雪糕仲有Häagen-Dazs😋刺身我同朋友都好喜歡赤蝦，大隻鮮味，口感軟糯，三文魚油脂分佈均勻，好肥美，仲有泰式辣鮑魚，彈牙爽口。壽司嘅料好足，而且細細件，可以叫多幾款試，海膽手卷好鮮甜😋炸天婦羅個脆漿唔會過厚，而入面嘅蔬菜好都新鮮！重頭戲我至愛榴連，厚肉甘香，叫左好幾件黎食😋海鮮粥都好有誠意，食到入面有蠔豉同乾瑤柱，好鮮味。燒物牛舌串都係必點!!