吃吧 (僑建大廈) (已結業)

呢間樓上西餐位於旺角彌敦道，餐廳用左工業風設計，座位都幾多。店員服務好好，同我地推介有咩招牌菜，岩哂我呢d選擇困難症🤗•🌈吃吧招牌拼盤（$132)🔸8.5/10下面加左乾冰，上盤時好有仙氣🌬擺盤十分精緻，好似分子料理咁，七彩繽紛，影相呃like一流🥰蟹肉牛油果、鵝肝酥盒、忌廉煙三文魚、黑魚子魚蛋、水牛芝士蕃茄，每款有兩件✌🏻其中我最鍾意既係鵝肝酥盒，個酥餅仲係好熱既，而鵝肝就夾係中間，上面有粒冰凍而甜既蜜瓜🍈中和返鵝肝既油膩感，口感層次好豐富好好食呀👅•🐮慢煮甜酒燴和牛面頰（$188)🔸7/10和牛面頰唔多地方食到，即刻點黎試下😋哇佢有成5大塊和牛肉，分量超多好抵食呀😳d面豬登煮得好淋，幾鍾意佢既牛根位。而薯蓉勁香勁細滑，加埋醬汁超好食🤤上面仲用左食用花🌺做裝飾，第一次食🙉又幾有花香同唔苦🤣•🦑西班牙魷魚海鮮飯（$188)🔸8/10呢個海鮮飯有勁多料，條魷魚成隻手掌咁大✋🏻仲好厚肉，燒得好香，好新鮮彈牙，其他海鮮有蝦、帶子、青口，龍脷柳，樣樣都幾新鮮。而個意大利飯好重番茄味，飯煮得硬硬地幾有咬口。•🍹熱情果接骨木花茶（$56）用花樽上好得意，幾有睇頭🌺飲落接骨木花味比熱情果味重，幾清新