六丸(居食屋)日本料理 (已結業)

今日係旺角行街，朋友突然話想食日本菜，做左一輪功課之後，近近地黎左六丸居食屋醫下個肚。餐牌選擇種類多，睇左一陣先決定到食咩。前菜點左特盛海鮮沙律，果然份量特多，而且三文魚 蟹籽 甜蝦都好新鮮！另外仲有火炙黑松露和牛壽司同珍寶赤蝦壽司，2款壽司都無令人失望，和牛燒到好香，配黑松露又唔會完全遮左和牛味道。試左二款鐵板，鐵板燒牛舌同牛油帶子。牛舌好厚，味道適中，唔會太咸。帶子大大粒，牛油香味濃。最後試埋吉列炸蠔同蕃茄牛柳烏冬。炸蠔有5隻甘多。而烏冬要特別讚，睇顏色都知湯底濃，而不會太咸，牛柳口感嫩。