肥姐小食店

营业中

休息中

旺角街頭有咩好食？點少得了令眾人排隊排到熱火朝天的肥姐小食呀！每逢經過都有人龍的大熱店，食客有本地人，有遊客，人人都想一嚐那讓人欲罷不能的爽脆。之前帶過姑姐來呢度食，佢試過之後一直都念念不忘。是日又帶上親戚來再度回味。星期日的旺角人多到爆，想食串生腸都要打蛇餅。人雖然多，不過姐姐早就做到熟能生巧，所以唔需要排好耐咋其實。終於都買到手！大細皇牌各二，齊醬是必須的！因為除了爽脆口感，又甜又辣也是美味的達成的重要條件之一。大細皇牌個區別就係果串生腸啦。大細生腸各有千秋，大生腸肉質厚，口感扎實。而細生腸薄脆，相對嫩滑一些。呢間魷魚是我的最愛，魷魚也是考驗口感和技術的重點。好多地方食到嘅魷魚都偏腍，不脆不新鮮。我覺得肥姐好味仲有個原因就係，滷味够凍，從而保證到入口個爽脆程度。食腎片就的就係佢個口感，厚切先有意思！即使那甜芥醬食到我迎風流淚，都不忍停口。