樸一拉麵

营业中

休息中

樸一拉麵之前已經食過一次，果陣覺得佢嘅蟹味拉麵好唔錯❤️今次咁岩行過就要入去食下。✨魚介拉麵（$86）佢地嘅湯底選擇都幾多，可以滿足到唔同口味嘅朋友。今我次就揀左魚介湯底，麵條方面就可以選擇白麵或黃麵，兩款都係幼麵，我自己就覺得分別唔太大。叉燒就可以揀慢煮或厚燒，店員有提醒客人厚燒係會比較肥，但我就最鍾意食肥肉。拉麵嘅賣相都幾吸引，湯底濃郁，但又唔會太咸，味道剛好。叉燒絕對係重點😆佢地嘅叉燒非常大塊，有成個手掌心咁大，而且有成1cm咁厚，外層燒過有焦香，都幾好味。