今次同老公嚟到旺角呢間潮州菜館，真心驚喜！套餐份量足，味道正宗，絕對係性價比之選👍🏻
首先嚟咗潮洲凍馬友，魚肉蒸得剛剛好，肉質結實又唔會過老，入口鮮甜！搭配傳統黃豆醬，鹹香帶微甜，完全帶出魚嘅鮮味，鍾意食魚嘅朋友必點☺️
跟住係客家黃酒雞煲（半隻雞），一上枱已經聞到濃濃酒香！雞肉煮得嫩滑，湯汁吸收咗雲耳、紅棗同大蔥嘅精華，飲一啖湯，暖胃又舒服。黃酒味唔會太濃搶戲，反而令雞肉更香，好適合秋冬食！
加$8就有潮式滷水拼盤，真心抵！拼盤有齊滷水豬大腸、豬耳、鵝腸、紅腸、豬腩肉同墨魚。滷水汁入味得嚟唔會死鹹，豬大腸同鵝腸處理得乾淨，爽口彈牙；墨魚鮮味十足，紅腸大大件而豬腩肉肥瘦適中，送飯一流👍🏻
整體嚟講，呢間潮州菜館抵食又高質，環境同服務都唔錯，如果想喺旺角食返餐正宗潮州菜，呢度絕對值得一試！
1
