一日三餐 (已結業)

📍一日三餐相信大家對一日三餐都唔陌生，疫情嚴重前不時都見到店外有人龍👊🏻要繼續撐住良心小店！茶記嚟講食得最多就係光榮、大渣哥同一日三餐🤣每次去到必食常餐C（$49）沙嗲牛配火腿奄列，仲有一塊丹麥厚多士🤟🏻沙嗲牛味道夠濃，今次個火腿奄列整得好滑好好食，丹麥厚多士永遠咁好食！第一次試一日三餐鐵板精選，因為見到懷舊雜扒嘅poster好吸引😂仲有黑椒汁、黑松露汁同蒜蓉汁可以選擇。懷舊雜扒（$98）份量都唔少，除左牛豬雞扒各一塊外，仲有一隻蛋、一條司華力腸同埋薯條。牛扒仲大過另外兩塊，以茶記嚟講整體味道唔錯，唯一扣分嘅係黑椒汁味道偏甜，個人比較鍾意食黑椒味濃啲🤔之前仲食過下午茶餐，一次過介紹埋🤣豉油皇雞髀拼薯條$40（當時好似冇曬薯角）個人覺得有少少乾，再濃味啲會更會好食，下次會想試下炸脾🍗另外試咗公司三文治（$52），雖然只係簡單嘅材料，但上枱熱辣辣好正，每啖咬落去都好滿足🤣推薦指數：🍳🍳🍳（3/5）💡地址：旺角通菜街2Q-2Z號鴻輝大廈地下7號舖