鍋心 (已結業)

今晚接老公放工，天氣突然轉凍，凍到得十一度。咁凍既天氣當然去打邊爐，暖下身。係太子地鐵附近睇到意間叫鍋心既打邊爐鋪頭，原來係新開，任食任飲，價錢平，就決定試下。地方不算大，七點黎到需要等位。飲品種類算多，任食。自助醬料，仲有任食雪糕。點菜紙，有分類肉類、丸類、菜類。款式頗多選擇。免費湯底有六款，蕃茄、豬骨、麻辣、清湯等。每樣分量會因人數分配，不會過多過少，這點十分滿意。^_^魚類海鮮都新鮮。鵝腸清洗得十分乾淨^_^墨魚滑口感彈牙，兩人份量剛好。整體感覺不錯，價錢平，所以很成正比。^_^