寶哥火鍋 (已結業)

屋企人係邊爐控，唔理春夏秋冬都鍾意打邊爐。今晚去到旺角寶哥火鍋,198蚊包七款海鮮八款任選配料同任食丸類蔬菜，都幾抵，一於去試下｡鍋底方面我地揀左鴛鴦鍋，一邊係猴頭菇鯊魚骨湯，一邊喺雪蓮椰子鍋。猴頭菇鯊魚骨湯好足料，有幾隻大大隻既猴頭菇，不過我都係鍾意椰子鍋多啲｡烚啲食物例如金茹，食到椰子嘅清甜，大力推薦啊！叫完湯底即送上海鮮盤，海鮮拼盤非常豐富，有青口、海蝦、蟶子皇、生蠔、蜆、龍躉肉同活刀貝,全部都非常新鮮，我特別欣賞蟶子皇同活刀貝，又大隻又鮮甜，正阿！身為牛魔王,梗係要叫安格斯牛小排同埋手切封門柳牛肉啦，好濃嘅牛肉味！另一必選項目喺炸響鈴。佢唔係一般街市買果d已經包裝好，而係即炸，真係夾大力d都會碎，放係湯度輕輕焯一焯就食，爽脆有豆味，拍得上樹記。我哋仲點咗d手打蝦丸、墨丸、牛丸，全部都好新鮮好彈牙，唔係急凍貨色。另一特別配料係滋補花膠仔，好爽口，補充骨膠原之選。其他配料仲有日本黑豚肉、炸魚皮、韮菜餃、雲吞、鯪魚球、金菇、蔬菜、萵筍等等，多不勝數。最後，飲品方面20蚊任飲汽水，選擇都好多呢!