Lab Eat Bistro (豉油街) (已結業)

疫情最近緩番決定外出食飯👏🏻，今日就去食之前都想食的西餐，因為怕夜食會太多人排隊，所以我地大概六點就去到。🕕特選級牛臀肉上蓋扒 💕選擇了五成熟的肉，一上菜既時間就已經見到肉扒睇落好肉汁飽滿，到一食落口有種即溶化既感覺又唔會唔覺得好油膩。🤤🤤馬拉盞椰菜仔💕一黎睇本來以為好似街邊普通椰菜一樣，爽估唔到食落口後，😲感覺同平時食落既椰菜唔同，十分之爽甜，加上有馬拉盞汁既伴碟，唔覺唔覺咁就好快食哂成碟。法式洋蔥炒薯角💕好鐘意食薯角既我已經比佢既賣相深深地吸引住，外表炸到十分之金黃🤠，一食落口發覺外脆內嫩，加上有洋蔥既香味襯托，我呢個薯角迷直頭比足99分。🤫慢煮24小時美國榖飼牛小排💕係人都知道慢煮既肉類一定會十分嫩口亦能保留住肉汁，🤗呢一味牛小排唔止無令我失望之餘，仲比我期望既高出好多，超級超級多汁鮮嫩之外食落仲超級超級嫩口，呢味菜直頭係我今餐評分最高既菜色，😎直頭比101分，推薦大家必食首選。Cocktail for two : Jade同Yuzu Blossom，賣相大分美觀，味道清新酸甜。