大眾燒肉酒場 X 陀地燒 (已結業)

星期日晚一於約朋友出黎洗錢食好野先，揀左呢間位於旺角女人街既大眾燒肉酒場，以大眾化又親民既價錢提供高質既燒肉，性價比超高☺️🌟味醂魚乾 ($38)大愛呢個味醂魚乾，一於叫夠兩碟唔洗爭，好入味又有嚼勁，燒肉必點🌟和牛壽喜燒 ($88)除左和牛多士之外見到好多食評都推介呢個，店員會將燒過既和牛蘸上混合左黑松露醬油既蛋漿，口感軟嫩滑溜，配上少量白飯一齊食，簡直係perfect match 🌟黑毛和牛小排 ($78)油花均勻，口感結實，抵食推介🌟和牛霜降．赤身盛($88)和牛霜降油花分佈細緻，兩邊燒烤過後入口即溶既口感，油花係口中化開，超正，而和牛赤身脂肪較少，肉質相對緊實，兩款都好正🌟和牛沙巴當 ($98)和牛沙巴當屬於肩里脊肉的一部分，含有均勻緊密的霜降油花，口感軟嫩🌟汁燒和牛三角腩 ($98)和牛三角腩含有清晰油花的軟嫩肉質，肉面佈滿清晰的網狀油花，配上秘製醬汁，店員建議我地最後燒呢款汁燒和牛，送飯一流🌟紫菜月見丼 ($28)食燒肉必點紫菜月見丼，橙黃色既蛋黃撈埋香脆既紫菜，好快就KO一碗飯啦🌟百香果梳打 ($28)🌟菠蘿可爾必思 ($28)食左咁多燒肉叫返兩杯特飲解膩，好滿足