影片
更多
2019-02-17
104 浏览
今晚約咗一位喜歡四周圍去食日式放題的好友，約得佢一定去食放題啦～今次好友帶我去旺角兆萬中心10樓呢間「 大本瀛日本料理」食放題，平日晚上收費每位二百幾蚊，食物選擇種類多，有刺身、壽司、卷物.手卷、燒物、沙炸物天婦羅，和風料理、 鐵板燒爐端燒、仲有甜品區、飲品任飲任拎。朋友教我食日本料理攻略先刺身魚生後食壽司，之後就叫燒烤或炸物等等食物，未講食物前，先讚一下佢哋食物送出時間速度很快，所以等待時間不會太耐，抵讚。先講刺身魚生，有章紅魚、希靈魚、有頭甜蝦、北寄貝、赤貝及珍寶帶子，每款刺生都好肥美鮮甜，非常正。再試試壽司同手捲就叫咗象拔蚌壽司及軟殼蟹手捲，味道都不錯。至於燒物真係不得了，有鹽燒雞翼、 鹽燒活蝦 、鐵板牛舌、菠蘿、 日式一口甜薯及蒜蓉通菜，廚房即場燒，未食已經聞到好香噴噴，食落仲好香口惹味，一點都不覺油膩。仲有叫咗好多前菜，芝麻豆腐、螺肉、中華沙律、八爪魚同木耳，全部都好好食。炸物方面比較有驚喜， 日式吉列蠔、紫心香芋、 貓山榴槤炸彈、 炸蝦餅及炸蝦，樣樣都炸到好熱辣辣，而且夠味仲不油膩，我哋兩個都好喜歡。最後食番一個肥牛火鍋作結尾，肥牛同蔬菜份量十足，湯底清甜，由頭食到尾感覺都
朋友教我食日本料理攻略先刺身魚生後食壽司，之後就叫燒烤或炸物等等食物，未講食物前，先讚一下佢哋食物送出時間速度很快，所以等待時間不會太耐，抵讚。
先講刺身魚生，有章紅魚、希靈魚、有頭甜蝦、北寄貝、赤貝及珍寶帶子，每款刺生都好肥美鮮甜，非常正。
再試試壽司同手捲就叫咗象拔蚌壽司及軟殼蟹手捲，味道都不錯。
至於燒物真係不得了，有鹽燒雞翼、 鹽燒活蝦 、鐵板牛舌、菠蘿、 日式一口甜薯及蒜蓉通菜，廚房即場燒，未食已經聞到好香噴噴，食落仲好香口惹味，一點都不覺油膩。
仲有叫咗好多前菜，芝麻豆腐、螺肉、中華沙律、八爪魚同木耳，全部都好好食。
炸物方面比較有驚喜， 日式吉列蠔、紫心香芋、 貓山榴槤炸彈、 炸蝦餅及炸蝦，樣樣都炸到好熱辣辣，而且夠味仲不油膩，我哋兩個都好喜歡。
最後食番一個肥牛火鍋作結尾，肥牛同蔬菜份量十足，湯底清甜，由頭食到尾感覺都良好，十足滿足。
张贴
