影片
更多
2022-09-23
263 浏览
香港真係好多放題店，有火鍋放題、燒肉放題同日式放題，一個價錢任飲任食好抵，今日放工同朋友去左旺角廣華街既串Grill食串燒放題，120分鐘任飲任食，用左一部自轉既燒烤爐，就咁放啲串燒去個爐再按照menu上提供既時間燒就食得，好方便~120分鐘和你燒放題 (Happy Hour價 $208)⭐️肉類⭐️肉類方面都好多選擇，牛肉有M5和牛牛柳、牛西冷同牛舌，豬肉就有美國豬肩胛、豬肉眼同豬五花，仲有雞肉同羊肉。朋友唔食牛所以我地主力食豬肉，美國豬肩胛經過燒烤之後除去多餘油脂，食落就更加甘香，食多幾串都唔怕，豬大腸都處理得幾乾淨，跟住指示既時間燒，皮脆內軟唔會有怪味，正，推介大家要試下雞皮同雞翼，雞皮燒到剛剛好，脆卜卜咬落似薯片，雞翼肉質嫩滑多汁，又係要瘋狂點多幾串⭐️蔬菜⭐️食左咁多款肉係時候食返啲菜平衡返，我地就揀左翠玉瓜同雞髀菇，翠玉瓜燒到金黃色，口感爽脆多汁，雞髀菇燒過之後仲保持到水份，加埋少少調味粉一齊燒就最正⭐️飲品⭐️飲品方面有兩個飲品櫃可以自取，種類都幾多，有汽水、烏龍茶、OOHA、樽裝涼茶同豆漿等等，總有一款合你心水~⭐️甜品⭐️以前同朋友去BBQ一定會買定包棉花糖去燒，見到呢度都有即刻要叫
120分鐘和你燒放題 (Happy Hour價 $208)
⭐️肉類⭐️
肉類方面都好多選擇，牛肉有M5和牛牛柳、牛西冷同牛舌，豬肉就有美國豬肩胛、豬肉眼同豬五花，仲有雞肉同羊肉。朋友唔食牛所以我地主力食豬肉，美國豬肩胛經過燒烤之後除去多餘油脂，食落就更加甘香，食多幾串都唔怕，豬大腸都處理得幾乾淨，跟住指示既時間燒，皮脆內軟唔會有怪味，正，推介大家要試下雞皮同雞翼，雞皮燒到剛剛好，脆卜卜咬落似薯片，雞翼肉質嫩滑多汁，又係要瘋狂點多幾串
⭐️蔬菜⭐️
食左咁多款肉係時候食返啲菜平衡返，我地就揀左翠玉瓜同雞髀菇，翠玉瓜燒到金黃色，口感爽脆多汁，雞髀菇燒過之後仲保持到水份，加埋少少調味粉一齊燒就最正
⭐️飲品⭐️
飲品方面有兩個飲品櫃可以自取，種類都幾多，有汽水、烏龍茶、OOHA、樽裝涼茶同豆漿等等，總有一款合你心水~
⭐️甜品⭐️
以前同朋友去BBQ一定會買定包棉花糖去燒，見到呢度都有即刻要叫返兩串先，棉花糖燒到外層微微金黃色，外脆內軟，仲有一口size既雞蛋仔可以過口癮，正呀，記得留肚食埋杯Haagen-Dazs 雪糕先走呀，我地就揀咗蜜瓜同朱古力，超滿足既晚餐~
张贴
