吃扒 (已結業)

喺旺角搵到間坐得舒服又性價比高嘅扒房！店舖外觀已經好搶眼，有格調～餐牌有多款選擇，今次想食鐵板餐～～20cm嘅吉烈豬扒，睇名好似好正咁，上枱個下都幾震撼，真係好大份，咁大個碟都可以擺滿，非常抵食，差啲食唔晒～肉質偏實，但有肉汁，外皮十分酥脆～醬汁可以揀黑椒汁，蒜蓉汁，洋蔥汁，紅酒汁同埋加$18嘅熱熔芝士～因為另一個餐我叫咗熱熔芝士紐西蘭牛柳，所以今餐可以食晒三款醬汁，黑椒汁比較惹味，洋蔥汁偏甜，熱熔芝士煮好上枱淋上好creamy~牛柳揀咗5成熟，鐵板上仲有粉嫩肉質，軟林好味～～轉餐加錢變特飲，黑牛同白牛（白雪公主），有汽水飲又有雪糕食，正！最後仲有奶茶雪糕～