八屋 (已結業)

📍旺角樓上Cafe選擇多 不過好食嘅又真係唔多呢間食物質素唔錯 幾有驚喜 不過面積好細一出𨋢門就已經喺餐廳 等位嘅位置就係𨋢門 有少少尷尬走懷舊復古風 最靚係吧檯位🥂 記住提早book定位🌀 海膽醬大蝦意大利麵 $128擺盤精緻 用上意大利捲麵手法幾有心思海膽醬另外以小鐵盤盛載 海膽味不算濃郁但冇腥味而且相當惹味 配上彈牙意粉真係好夾!❤️ 🌀脆炸薯條 配黑松露醬薯條屬於超幼身薯條🍟 雖然香脆但係我就麻麻地啦😶不過黑松露醬好杰身又有黑松露香 沾醬做得出色🌀MOCHA咖啡有拉花 拉花上面都仲有灑上朱古力碎及朱古力醬🍫令到成杯飲品 朱古力味好Rich!