串Grill 自助燒烤專門店 (廣華街) (已結業)

宜家天氣咁熱，出去燒烤好辛苦，FD知道我鐘意食燒烤，特登介紹左旺角哩間室內懶人燒烤比我，唔洗自己燒就有得食，一定要試試。晚市套餐200幾已經包埋2個鐘燒烤，同埋可以任飲，豬牛羊海鮮都包埋，唔錯。嘢飲雪櫃都幾豐富，有汽水豆漿可以揀。檯面都提供咗唔少燒烤調料，有海鹽，孜然粉，辣椒粉，魚露，燒烤醬等，啱哂唔同口味啲客人。一坐低，店員好快上咗一盤肉，有牛肉，豬肉同雞肉。肉睇落去好新鮮，顏色鮮紅唔似凍貨，即燒啦。串燒放到燒烤爐就會自動旋轉，剛開始會等耐D，夠曬溫度就快好多。雞軟骨最快燒得，咬落好脆口，原味已經好好味。牛肉食落好重牛味，真係唔似雪藏貨，OK。第二轉係自己揀，今次揀咗海鮮，雞皮，臺灣腸等。海鮮唔錯，秋刀魚爆哂魚子，蜆仔一齊燒完都好juice同埋好新鮮。日本甜薯燒完勁甜，FD都忍唔住叫多幾串。食得燒烤點少得棉花糖同埋鳳梨，最後一轉一定要叫埋甜品，棉花糖燒咗一陣已經可以食，入口即化同埋少少焦香味，勁LIKE。食得好飽，都只燒到個半鐘多D，2個鐘好足夠，下次唔想熱又唔想動手燒，揀哩間就啱啦。