韓膳宮 (已結業)

今日心思思想食韓燒，而我同爸爸都係食肉獸，最好就梗係揀間任食任飲嘅韓燒啦，咁先至可以滿足到我哋，哈哈！咁我哋去呢間係喺旺角通菜街威達商業大廈1樓嘅韓膳宮，睇咗價錢都只係$218 一位，90分鐘任食任飲。爸爸已經點好晒要食嘢肉，包括頂級牛肩肉，頂級牛板腱肉，頂級牛仔骨，牛脷，雞肉同埋黑豚腩肉。其實仲有好多嘢食都可以叫，以上呢幾款係我哋較為食得多嘅肉食，牛肩肉同牛板腱肉兩者都非常新鮮，牛嘅香味都好濃郁！🐂👍🏻牛脷又唔會韌，爽口好吃！😆雞肉同黑豚腩肉都有驚喜，腩肉非常香口！😚😚