汀汀烤活魚 (已結業)

最近成日落雨，見天氣好似涼番少少，可以食下啲淥下淥下嘅野。汀汀開過好多分店，算係烤魚界先鋒，最近搬左去更方便嘅百寶利。🍲小龍蝦雞煲｜𝟸𝟹𝟾唔好睇佢個樣食烤魚，原來仲有雞煲，仲要係有海鮮嘅雞煲，同洋蔥一齊熬夠晒鮮甜惹味，小辣都已經夠晒我做，個麻辣度亦剛剛好，啲雞好嫩，但啲骨就比較碎，小龍蝦索滿啲湯好好吮。．➕二人安格斯肥牛｜𝟷𝟸𝟾➕墨魚丸 + 蝦丸｜𝟿𝟾佢啲bino配料都幾高質，肥牛一啲都唔肥，而且相對厚身，最鐘意係佢啲丸！超彈牙同好有墨魚同蝦嘅鮮味。．🥒青瓜拼皮蛋｜𝟺𝟾食雞煲食到膩就食下涼拌青瓜，仲有大大舊皮蛋！．🍺Somersby Apple Cider｜𝟹𝟾🍺新鮮百仙果水果梳打｜𝟹𝟾佢啲野飲真係好大杯好抵飲，睇得又飲得，落重水果而唔會太甜，岩晒送重口味嘅雞煲bino，有得揀茶或梳打水，睇得出所有野都落足心思。