御滿屋日本料理

营业中

休息中

今次朋友介紹就嚟咗呢間日式放題舖頭，全新款式都幾多，串燒，燒物，同埋熟食種類亦都足夠首先講吓佢哋嘅刺身，今次我就叫咗帶子，甜蝦，赤蝦，覺得都幾新鮮，解凍亦都做得好好唔會有冰喺刺身入邊！ 味道都正常。之後我哋就叫咗串燒牛舌，開邊雞中翼。我就比較推薦牛舌，佢哋嘅考試生熟程度掌握得啱啱好，唔會太熟，牛舌味都足夠調味都唔錯😬之後我哋仲叫咗天婦羅，燒羊架，仲有其他熟食，呢啲菜式我哋就覺得中規中矩冇太大驚喜。同埋芝麻雞翼榴槤炸彈嗰啲都係同平時放題食到嘅差唔多。總體而言都覺得呢間放題店勝在位置夠方便，價錢亦都相對適宜，都值得推薦嘅。