御滿屋日本料理

营业中

休息中

臨近年尾特別想食放題，一種食到飽嘅感覺好滿足，今日去咗旺角嘅御滿屋日本料理，平日夜晚都勁多人，一打開𨋢門發現成層都係人，book咗枱大概等10-15分鐘先入到去。餐牌有四個價位嘅選擇，分別係經典(77品)、匠選(97品)、豪華(114品)、極緻(128品)，越高價錢嘅餐單可以選擇任食嘅項目就越多，而且亦都會分時段，分別係5:00pm/ 5:30pm/ 自選兩小時/ 8:30pm後，唔同時段亦都有唔同價錢。我哋嗌咗經典嘅三重新鮮刺身江洋盛宴，主打三文魚、油甘魚同北寄貝，用qr code自己落單可以加快上菜速度。食物方面，刺身、壽司、燒物、鍋物、炸物一應俱全；刺身有三文魚、帶子、赤蝦、甜蝦等；壽司都有各式正常同火灸壽司例如花之戀、左口魚邊壽司、蟹棒壽司、燒牛肉壽司等；燒物方面有黑椒炒牛柳粒、泰式甜酸醬烤鮑魚、燒羊架等；鍋物有蜆肉鍋、牛肉壽喜燒鍋等；炸物有炸蠔、天婦羅等。其中我比較推介蒜蓉燒生蠔，大量嘅甜蒜蓉配燒生蠔好惹味，燒比目魚亦都十分出色，燒完之後嘅魚油好香，魚肉滑得嚟魚皮又煎得好脆。另外，期間限定有新鮮榴槤同烤榴槤，出面比較少有得放題食榴槤。飲品方面除咗有啤酒、果汁、茶類飲品外，仲有