大瀛喜日本料理 (已結業)

放工經過旺角同朋友諗食乜好，香港人嚟唔開都係日式同埋打邊爐~經過朗豪坊見到大瀛喜放題，二話不說一於想去試吓！店舖接待處經理好好禮貌幫我哋登記同埋帶位，餐廳亦都好大，座位好多但係明明星期一竟然8:30左右都幾乎爆滿！可見我哋一定冇去錯地！經過門口已經見到雪櫃啤酒汽水樣樣有，Asahi竟然係任飲！而且仲有白桃烏龍桂花烏龍等等，重點竟然仲有我最愛冷熱清酒同凍嘅梅酒任飲！甜品方面第一個吸引到我嘅就係自己可以做甜筒不求人！玩味十足而且甜品亦都好齊全雪糕木糠布甸等等多到食完！呢度與時並進都係用手機點單嘅，第一樣先點嘅當然係刺身，擺位非常靚，而且樣樣刺身非常厚身大件，特別係油甘魚鮮味十足，赤蝦亦都大大隻！ 當然唔少得我最愛嘅串燒，牛脷非常厚，油感十足而且羊架非常香！ 炸物方面我最愛嘅榴槤炸彈一咬爆曬出嚟，大家小心燙口。炸蝦天婦羅亦都非常出色！壽司方面火炙壽司甚為出色，鵝肝壽司和魚背壽司入口即溶！另外蒲燒鰻魚夠晒厚，魚皮有啲爽口煙韌口感！魚湯豆苗亦都非常少見，牛奶色嘅湯真係湯都飲埋，酒鮑魚亦都大大隻一次過我哋都食咗四五隻！地點位置，位置價錢性價比一流！喺旺角行完街，想食放題，大瀛喜點可以唔試！