肥姐小食店

营业中

休息中

嚟到旺角，雖然食店林立，但我每次只會幫襯一間，佢就係肥姐。已經數唔到係第幾次幫襯，我諗，每個月至少有一次。其實我都有試過係唔同地方食呢啲生腸呀豬心之類，但每次都失望而回，每次最後都回歸肥姐懷抱中。每次我唔想諗既時候，我就會叫套餐，今次我就試左大腸、豬心同豬頭肉，全部都係第一次食。大腸同小腸既口感完全係兩回事，大腸口感較實在，仲有少少彈牙，但小腸就滑lulu，兩三啖就食完，唔係好止到口痕。豬心感覺似食腎，少少實之但係又帶少少爽口，但就無食腎時食到筋會sip牙既情況。豬頭肉又似食豬頸肉，但又有少少豬油香味，唔錯唔錯，我諗呢個會成為我去食肥姐既皇牌套餐。