道頓堀御好燒專門店 (K11購物藝術館) (已結業)

一個月食左4次！之前3次都係旺角分店，今次就第一次去尖沙咀呢間。比較旺角分店呢間店內油煙較大，枱面用具油淋淋，唔乾淨，座位之間比較逼夾，整體環境比旺角差。最近兩次入座職員都有講每位最低消費100蚊。不過食物加飲品都好易過。今次點咗個蛋包炒麵。炒麵份量好多，蛋都幾乎包唔住。累積4次經驗，今次成品非常成功😄，我可以大膽講呢到炒麵係最好食，又易整。食咗咁多次，其實款款御好燒定文字燒味道都差唔多，今次呢款黑椒牛肉御好燒薑味會重些少。但只要係熱辣辣整起就一定好食。上次旺角分店pancake個漿好流質，呢個就結撻撻，落鐵板時較難控制。不過味道一樣好食。