瑪麗蓮美國餐廳 (已搬遷) 新店位置

聖誕最後一日假期，我同男友都想食好d，係旺角行完魚街，要去揾食。呢間一d都吾起眼既餐廳，係通菜街，人流吾多，但店子內既人是滿滿的。冇卜位即管問下，好彩！有個角落頭位，但個位有d迫。 晚餐選擇吾多，我地叫左咸豬手同豬仔骨。先黎個沙律 是芥茉籽沙律，坊間好小見。吃得出自家調製的沙律醬有secret recepit, 應該用了蛋黃醬、蜜糖、檸檬汁及芥苿籽製，配上沙律菜，非常清新！芥苿籽提升了沙律的口感，一粒一粒咁爆開，好得意 ！周打蜆湯，非常足料--蜆肉、蘑菇、半溶既 薯仔，非常稠但啖啖足料，難怪是"the world best clam chowder"成碟豬仔骨賣相經細心編排，香橙味既汁令整件事好開胃。豬仔骨切開其實有好多肉，入感嫰滑有層次感，愈食愈想食。伴脆肉瓜、紫薯、焗蒜，好惹味！咸豬手則令人失望，炭燒雖令外皮雖香脆，可是切開中間是凍的，要廚師再燒。細嚐覺得過鹹。