影片
更多
2016-05-17
2025 浏览
朋友之前係Openrice 發現咗一間係旺角嘅餐廳，自己試過之後話俾我知我一定滿意，決定同我再去食一次！我一向對旺角嘅餐廳都感覺麻麻地，但見朋友落力推介就決定去試吓喇！一入到餐廳感覺都唔錯，都幾有氣氛而且仲可以望到海景！可能我哋太遲book枱，所以安排唔到坐窗邊位，有點可惜！如果唔係望住出面嘅夜景其實都幾好氣氛！侍應好快咁安排我哋坐低，仲俾咗個drink list我地叫我地可以先揀飲品，再慢慢睇個Menu！最後我揀咗杯Lemon&Thyme！我哋揀咗燒菜暖沙律，覺得溫沙律幾特別，一般沙律都係凍嘅，有微溫嘅真係好少有，所以都我同朋友都想試吓！講真溫沙律都係第一次試，其實都怕會唔會感覺怪怪哋！整個溫沙律十分豐富除咗沙律菜之外，仲有紅菜頭、甘荀、薯仔、車喱茄，再加上我喜愛嘅火箭菜同松子！薯仔切成條狀之後略為煎香，比一般餐廳只是用水煮，這裡更有心思！甘荀除咗本身嘅甘甜味，相信廚師有略略用糖水浸過，所以表面食起嚟時也有點甜甜嘅感覺，不過並沒蓋過甘荀本身嘅甘甜味！其實我對紅菜頭有點怕，因為我比較討厭紅菜頭本身嘅草青同苦澀味，而這個沙律嘅紅菜頭紅噹噹極搶眼，而且味道亦很清甜，應該是廚師將紅菜頭加熱，
朋友之前係Openrice 發現咗一間係旺角嘅餐廳，自己試過之後話俾我知我一定滿意，決定同我再去食一次！我一向對旺角嘅餐廳都感覺麻麻地，但見朋友落力推介就決定去試吓喇！一入到餐廳感覺都唔錯，都幾有氣氛而且仲可以望到海景！可能我哋太遲book枱，所以安排唔到坐窗邊位，有點可惜！如果唔係望住出面嘅夜景其實都幾好氣氛！
侍應好快咁安排我哋坐低，仲俾咗個drink list我地叫我地可以先揀飲品，再慢慢睇個Menu！最後我揀咗杯Lemon&Thyme！
我哋揀咗燒菜暖沙律，覺得溫沙律幾特別，一般沙律都係凍嘅，有微溫嘅真係好少有，所以都我同朋友都想試吓！講真溫沙律都係第一次試，其實都怕會唔會感覺怪怪哋！整個溫沙律十分豐富除咗沙律菜之外，仲有紅菜頭、甘荀、薯仔、車喱茄，再加上我喜愛嘅火箭菜同松子！薯仔切成條狀之後略為煎香，比一般餐廳只是用水煮，這裡更有心思！甘荀除咗本身嘅甘甜味，相信廚師有略略用糖水浸過，所以表面食起嚟時也有點甜甜嘅感覺，不過並沒蓋過甘荀本身嘅甘甜味！其實我對紅菜頭有點怕，因為我比較討厭紅菜頭本身嘅草青同苦澀味，而這個沙律嘅紅菜頭紅噹噹極搶眼，而且味道亦很清甜，應該是廚師將紅菜頭加熱，所以減低咗紅菜頭原有嘅草青味！而且食起嚟暖暖哋感覺唔錯！
松露蟹肉意大利雲吞，雲吞有半隻手掌咁大隻，一入口淡淡蟹肉，蟹香頓時充滿整個口腔，再加上洋蔥嘅甜味，鮮甜無比！再配上黑松露汁就更加齒頰流香，先係食到蟹肉嘅鮮甜味，再慢慢滲出黑松露嘅香氣！而重點係黑松露咁強烈嘅味道都冇蓋蟹肉嘅過味道！
一切開蟹肉立即從雲吞皮爆出來！
這件豬肋骨睇嚟好似一件豬腩肉，望落去好似好油膩咁！點知又有驚喜！
我只係輕輕力用刀一按下去，完全沒有用力，骨上的肉會一絲絲跌下來。豬肋骨的肉質細膩嫩滑，肉味濃郁，加上秘製醬汁不會蓋過肉味，能提升肉本身的味道。
一下子就骨肉分離！很難想像豬肋骨可以用細膩嫩滑來形容！
朋友係意粉控，點少得食意粉，不過我好怕那種被厚而濃稠的汁蓋著的意粉，就像蓋了被般只見汁不見粉，睇見都覺得滯冇哂胃口。今次點的 Portobello Pesto Pasta，首先唔見厚汁，而且有陣香草味，當時食完個ribs已經飽飽哋，但聞到香味又覺有啲餓！
食落口意粉乾身唔覺油膩，香草醬份量剛剛好，上面的Portobello Mushroom肥厚多汁，風味濃郁、芳香，食啖菇再食啖意可平衡一下菇同意粉嘅味道。
要一餐飯完滿又點少得甜品，不過我哋2個都食到好飽嘅同時，所以只係叫咗一個焦糖燴啤梨嚟share！而生果類嘅甜品又可以減低自己嘅罪惡感！見到嗰甜品我已經陶醉咗，因為啤梨旁邊有我最鐘意嘅溫呢拿雪糕，而且仲係有溫呢拿籽嘅！雪糕唔係自己做的話，亦只係有某某牌子先有嘅！講返個甜品，很香濃嘅焦糖味，雖然有點苦嘅味道，但剛剛好可以中和啤梨嘅甜度！食完之後我都好鐘意呢間餐廳！朋友嘅推介真係唔錯，除咗食物美味之外，值得一讚嘅係呢間餐廳嘅服務！侍應會等我哋食完一道菜先上下一道菜，這樣要侍應同廚師有良好嘅溝通先可以做到！咁樣可以係食下一道菜時休息一下，可以回味一下菜式嘅味道之餘，亦可以準備食下一道菜！我好怕有D餐廳一嚟好快就擺哂所有野落枱！另外，上菜次序亦做得很好，由沙律到頭盤再到主食，就算主食都係先上肉類再到意粉！仲有樣嘢抵讚，呢間餐廳送上嚟嘅碟，無論係吉碟或放了食物嘅，送上嚟都是暖暖的，感覺較衛生之餘，碟意粉放低了一陣，再食返仍然覺得有微溫，唔會變得涼冰冰。另外侍應服務周到，不時為我們添加熱水，老實講呢種殷勤服務態度，可能要喺五星星高級食肆先可能有。
张贴
