旺囍車仔麵 (已結業)

好耐冇喺旺角夜蒲過，夜晚十一點幾，友人話好肚餓突然想食車仔麵，上openrice 睇下附近車仔麵有邊間未閂門，見到旺囍，見到就喺附近，就去食宵夜～入到去，地方唔係好大，可以容納約20-24人，坐底看看餐牌，d餸每款$9-$12，見到有一款十全十美富貴麵$88（入面有十款餸加麵底），好似幾吸引，於是我地四人叫左2碗share食～餐牌又係order板，可以循環再用，環保仲有一亮點，友人唔食牛，但$88麵入面有2款牛，問侍應可唔可以轉其他餸，佢地話冇問題,叫我地喺餐牌揀其他餸，真係貼心最後友人揀左豬扒及魚肉春卷～～碗麵都幾大碗，餸都好多，d豬大腸洗得乾淨又入味，蘿蔔好甜、陳皮魚旦彈牙～～絶對係地道車仔麵,$88/2人share唔算貴依間車仔麵值得推介