串燒陣

营业中

休息中

係旺角行完街，夜麻麻想同朋友搵d小食食下再飲反兩杯，就簡左嘅間新開嘅串燒店。要送野飲第一味一定要叫炸雞軟骨，每粒都炸到好香脆，又夠惹味。之後再叫左小食類別嘅芝士腸、芝士丸同埋燒賣，特別係燒賣燒到外脆內軟，特別好食。而串燒肉類方面叫左五花腩、豬頸肉同埋八爪魚鬆，今次推介豬頸肉，味道好足，燒到裏面啲油花迫晒出嚟，油脂感十足，好正。而食串燒又點可以無蔬菜類，我地叫左虎皮青椒、秋葵同埋四季豆，調味大致相同，會推介青椒，食落小辣好過癮。最後叫多樣錫紙燒蒜蓉花甲，花甲粒粒無沙乾淨，蒜蓉比得超多，亦都好好食。今次叫嘅嘢食全部都好滿意，下次去到旺角夜晚，要食宵夜又有好地方啦！