榮哥煮場 (已結業)

喺旺角想食好味中菜，又唔想去多人酒家！上網睇見最近好多人都去咗 @winggorchef 食套餐，睇相見價錢ok，份量又唔錯，就決定去試吓啦！二人套餐$268 有一份主菜，一份小菜，一份前菜，兩碗飯同甜品。主菜五款有魚有雞可以揀，小菜有20款，豬牛雞海鮮蔬菜類都有，我哋見好多人都話佢個小菜薑蔥霸王雞好食，咁主菜就揀咗招牌酸菜魚。前菜係涼拌麻醬豆角，涼菜又惹味，啱晒咁熱嘅天氣。酸菜魚煲二人份，多魚片，魚肉結實，湯汁酸中帶微辣小麻。薑蔥霸王雞雖然係小菜，但係份量一啲都唔少，雞好滑，新鮮薑蔥汁正，我哋兩個人都食唔晒，食咗一半要打包走。最驚喜係佢個甜品，楊枝甘露唔太甜，但又香又多料，唔係出面送嘅糖水咁行。