URBAN Cafe (彌敦道)

营业中

休息中

旺角嘅Urban cafe佢哋嘅二人餐真係無得輸。入面有兩款主食，兩客嘅沙律同湯，仲可以追加小食拼盤同埋有兩杯飲品添。西班牙黑毛豬肋骨：豬肋骨份量十足，呢度嘅配菜仲有得揀意粉或者薯菜添。佢哋嘅豬肋骨肉質軟稔，肉味香濃，而表面嘅燒烤醬夠哂惹味，令豬肋骨嘅骨香更加突出。滋味2人小食拼盤：2人餐可以加28蚊追加嘅小食拼盤，佢哋入面所有嘅嘢都係即叫即炸，夠哂新鮮，熱辣辣，脆卜卜，香口非常。而入面就有雞軟骨餃子，炸雞同埋炸薯角，調味得宜，令人一食上癮。即磨芝士黑松露野菌忌廉意大利飯：意大利飯煮得軟硬適中，夠哂Creamy，入面仲有野菌粒令口感更加豐富，而表面仲有不少嘅即磨芝士，食嗰陣拌勻，仲可以做到拉絲添，同埋令意大利飯多添芝士嘅香味。