日日涮 (已結業)

終於忙完個農曆新年，可以正式抖下喇！新年食好西不是意外，近日就比我喺旺角發現到一個好好嘅地方，就係創興廣場！呢度有好多唔同嘅餐廳可以食，今次我就去咗個叫日日涮嘅海鮮刺身火鍋放題。首先，一入到去比我嘅感覺係地方好大好舒服，仲有一個好大嘅火鍋配料專區。坐低之後，我就即刻睇下餐牌，原來有鴛鴦鍋叫，我二話不說分別叫咗日式壽喜燒湯同四川麻辣湯，一個甜一個辣，任君選擇！除咗火鍋之外，呢度都有刺身食！頭盤刺身有三文魚、甜蝦、希靈魚、立魚同榮螺，非常新鮮，肉質鮮甜；另外仲有帶子、劍魚腩同北寄貝等。今日另一個重頭戲就係海鮮，有龍蝦、膏蟹、海蝦、花甲、扇貝、桶蠔、鮑魚、沙白、蟶子王、貴妃蚌同青口，鮑魚好稔，龍蝦又彈牙，海鮮無論吸咗醬油湯定麻辣湯，都係咁好食！牛肉我平時都食得多，呢度啲澳洲和牛同美國肥牛、牛小排都好唔錯，澳洲和牛脂肪分佈不均，入口即溶；美國肥牛都重牛味，好正！呢度啲火鍋配料多到數唔哂，有芋絲、牛柏葉、蟲草花、芝士獅子狗、牛肉丸、芝士腸、芝士年糕等等，好多都好特別！甜品雪糕飲品吧呢度我比九十分，大家快啲嚟試下！