神戶屋日韓放題

营业中

休息中

地方不是好大，但位置幾好，舒適的卡位，環境特好，吃起來特別稱心。叫了招牌蜆肉，汁料足味，炒得有獲氣，不會有吉殼，隻隻也齊肉，入味惹味呢！扇貝肉很細，沙律醬配芝士不相符。芝士燒沙律開邊蝦，賣相吸睛有心思，但蝦肉有點難起。。帶子有厚切，希靈魚鮑片都ok炒魷魚好惹味，賣相正斗。麻辣鴨舌不太麻，細細件又細細碟，好快清理。壽司主打要了火炙系列，個人就狂食。火炙三文魚腩半溶於口，連吃半打最好啦！花之戀d沙律醬同三文魚又係好朋友，包到無散，很好吃。蟹籽粒粒勁脆爆，吞拿魚蓉都ok，重要紫菜不會淋唧，不過呢度壽司飯幾大，吃完十件肚子撐。食後感：有火鍋選擇但胃口不巨大，還是決定不點了。雪糕係雀記，飲品幾多，自助咁拎好方便。賣單時再加送的牌子雪糕稍甜了點。