素食一家 (已結業)

一入門口，見到椅上面有藤墊，好整齊乾淨，心情都好d。茶具亦十分雅致。食物種類多，牆上亦有創新食品推介，如可可豆腐，金不換牛柳和薄餅。男友由我拍板叫食物，點左蜜汁薰魚($20)，什菌抓豆腐($45)同白汁焗飯($48)。蜜汁薰魚－－口感唔錯，蜜汁甜度及濃度適中，不錯既前菜。什菌抓豆腐－－有小棠菜五棵墊底，獻汁唔濃，很普通的一碟菜，但做得到水準。白汁焗飯－－終於出事，飯裡面有我唔食既洋蔥，唯有請男友食哂大部份飯…食物創新好味，環境又舒服，實在係旺角區中的一道清泉。