樂天皇朝 (雅蘭中心)

营业中

休息中

早幾日同朋友去D字運動鋪購物,見大家都餓喇就去咗樓上在樂天皇朝食飯, 好耐之前去過其他分店,但旺角呢間令我地有驚喜,店面新裝修環境開揚,暖暖嘅黃光帶動咗和諧嘅氣氛,剛坐低店主就奉上前菜花生栗子，花生和栗子都煮得軟糯棉棉的!龍華素鴨: 雖然係傳統嘅上海菜,但每層腐皮之間都有滿滿嘅醬汁,口感柔軟,而且略帶甜味!招牌的八色小籠包，喺呢間餐廳嘅招牌名物,有八種不同的口味：原味、糟溜絲瓜、鵝肝、黑松露、芝士、蟹粉、蒜香和川味。店員仲教我地由味道較輕嘅口味開始食,鵝肝味充滿驚喜，入口即溶而且混入小籠包嘅湯汁流出來的瞬間，帶有幸福感, 餐廳最近推廣手打百香果香水檸檬茶，這飲品清新又不膩，酸酸甜甜的味道特別適合炎熱的天氣！最後我地點了一碗鮮蝦雲呑拉麵,本來想食雲吞雞,但又怕二人用餐食唔哂,唯有留返下次同朋友encore再點啦！