成都老碼頭火鍋 (已結業)

相信好多香港人好鍾意食四川麻辣火鍋，但係每次食都要返大陸食好鬼麻煩。好彩，喺旺角開咗一間主打四川麻辣火鍋嘅餐廳 叫做成都老碼頭火鍋。 名副其實將最地道嘅成都原味辣湯底帶到黎都係香港。唔單只係咁，裏面嘅裝修都充滿中國色彩。鍾意食辣嘅朋友值得去朝聖一下。極品鵝腸食麻辣火鍋點少得叫鵝腸。呢度啲鵝腸都幾新鮮，色澤紅紅地。口感十分爽口仲有好吸味。而且我叫左半份，個份量都幾足夠兩個人食！🔎爽脆牛黃喉 $46牛黃喉本身就比較難吸味嘅食物，但係因為佢口感非常之特別，勁爽脆。仲有佢同平時一般食到嘅黃喉有啲唔同，呢到嘅比較厚切啲，所以就算煮耐左都唔會冇左呢種口感。🔎草原鮮毛肚 $88呢個都係傳統麻辣火鍋嘅必點食材，所以我都有叫。呢到啲毛肚每件都大大舊唔洗擔心淥完縮曬水。而且毛肚索曬麻辣火鍋啲湯汁，放入口食，真係好滿足好好食。🔎日本a4牛頸脊 $198打邊爐肥牛真係唔小得。牛肉油脂生佈好平均，係雪花肥牛。滾一滾就食得。牛肉入口都幾嫩滑同重牛肉味。叫左半份，黎嘅份量就係有啲少，兩人食得三四塊就冇。🔎瘋狂辣牛肉 $68辣牛肉真係名不虛傳，每塊牛肉片都放滿曬中特制辣椒粉，未滾熟已經聞