北海道活壽司 (已結業)

『北海道活壽司』旺角地鐵站E出口一出就見到！由於位置係地庫，所以要落一層樓梯！琴晚去，靜到好似包左場咁🙊🙊🙊.室內既環境好有日式風格！睇得出當初裝修落左好多心機！呢道既壽司係即叫即整的！但早半年左右迴轉壽司已經停左！可能係因為人小既關係，如果再開迴轉壽司，流量太慢會不衞生既關係！. 「火炙左口魚鰭壽司」微微焦香，但未至於入口即溶！.「海膽壽司」好有海膽味👍🏾 而且份量都多.「油甘魚刺身」切得好厚身，以呢個價錢黎講無得輸👍🏾.但唯一要彈既係，今日既壽司飯太黏又太大舊，影響口感😭希望下次再黎會有改善!